BEGOÑAZPI IKASTOLA

Historia

Begoñazpiren aurrekariak

Diktadura garaian euskaraz irakastea debekatuta eta zigortuta egon arren, Euskal Eliza Katolikoaren babesari esker gerra ondoko ikastolen mugimendu izugarria hasi zan.

San Nicolás parrokian, 1957an hasi ziranlehen aldiz umeei euskaraz irakasten, baina urte berean amaiarazi ebezan ikastorduok. Hurrengo ikasturtean Iralabarri konbentuan hasi ziran barriro euskeraz irakasten. Dana joan beharreko ildotik joiala pentsatzen zanean, 1959/60 ikasturte amaieran, Gobernadore Zibilaren aginduz Ikastola zarratu egin zan baita euskeraz irakasteagaitik andereño bi atxilotu be.

Ikastolen mugimendua aurrera joian eta umeek etxe partikularretan ikasten eben 1966 arte, urte haretan Resurrección María de Azkue Ikastola sortu zan eta 1968an Santiagoko Parrokiako Ikastola, Loteria Kalean, 2 zenbakian; gero Banco de España kaleko 3 zenbakian, 3. pisuan egon zalarik.