Helburuak

 Honeek dira, bada, laburtuz, Begoñazpi Ikastolak lortu nahi dauazan helburuak

 1. Banan-banako prestakuntza eta askatasunaren pedagogia egoki baten bidez  nortasunaren garapen oso, integrala eta harmonikoarako gaitu ikaslea, bai bizitza  pertsonalean, zein sendiko bizitzan zein gizarteko eta lan bizitzetan egiteratu daiten

 2. Ikaslea-taldea-ikastetxea inguru sozio-ekonomiko-kulturalagaz harremonetan jarri,  irekitasun eta komunikazio bideen bitartez hurrengoko honeek bultzatu daiazan:

 a) Euskeraren jabetza, hobekuntza eta erabilera bizitzaren esparru guztietan
 b) Euskadiko eta Bizkaiako inguru sozio-kulturalean eta tradizio historikoan  prestakuntza, bere balore guztiekin
 c) Jasoera eta egoeren balorazio kritiko eta eraikitzailea

 3. Era orekatu baten garatu bai gaitasun intelektualak eta lan teknikak zein  prestakuntza zientifikoa eta humanistikoa, batez ere ekimenak eta sormena baloratuz  eta bultzatuz.

 4. Beste herri eta kulturenganako irekitasunean eta oniritzian hezitu, lankidetasun  izpiritu solidariotik eta paketik balore aniztasuna hartzen eta komunikatzen jakiteko

 5. Benetazko begirune baten oinarrituta dagozan eta hezkuntza komunitatean, eta  gizarte-bizitzan parte hartze eginkorra bultzatzen daben harremon pertsonalen eta  jokabide ohituren tankera bat landu

 6. Pertsonaren, munduaren eta historiaren ikuspuntu kristaua proposatu, fedearen eta  kultura aldakorraren arteko etengabeko alkarrizketa jarriaz, Barri Onaren baloreen  araberako bizimodu bat adoretuz eta konpromesu aldatzaile batera daroan gizarte  kontzientzian hezituz.

 7. Bertoko eliza eta eliza unibertsalaren parte izatearen xedea baloratzen lagundu  daikien fedearen bizipenak eta anaitasun adierazpenak sustatu

 8. Eskubideen bardintasunean hezitu, sexu edo izate sozialeko inolako bereizkeria  barik.

 9. Ingurugiroarenganako begirune, kontu eta hobekuntzan hezitu,  ingurugiroarenganako bakarkako eta taldeko sentikortasuna garatuz eta kontsumo  orekatu baterako konzientziatzen saiatuz.

 10. Gaitasun eginkorra sustatu, pertsona bakoitzaren ahalbideak ahalik eta gehien  garatuz.

 11. Izpiritu kritiko eraikitzailea landu, arazoen konponketarantz edo hautabide  barrietarantz bideratuz