Pastoral Saila

PASTORALA

Eleizbarrutiko Ebanjelizatze Egitasmoaren aurtengo ikasturtearen helburua “fedearen zabalkundea garatu, bidelagun izanik“ da. Ume eta gaztetxoei zuzenduta dago, bereziki. Nork lagundu daikez gure ume eta gaztetxoak prozesu honetan? Eurengandik hurbilen gagozenok: sendia, ikastola, parrokia eta aisialdia.
Ideia bi honeek Ikastolaren aurtengo pastoral eginkizunaren markoa izanda, ondoko arloak landu eta indartuko doguz:

• Koordinazioa inguruko parrokiekin, baliabideak eta ahaleginak batzeko aurtengo helburu nagusiaren aurrean.
• Formakuntza, guraso eta irakasleei zuzenduta.
• Fedearen ospakizunak. Ikasleekin urtean zehar eta sendi arteko eukaristiak.
• Giza eta kristau baloreen sustapena, kanpaina eta zinearen bidez (Eleizbarrutiak antolatutako zine astea).
• Nagusien ( aitita-amama) fede testigantza ume eta gaztetxoei helarazi.
• “Palenque-Begońazpi” alkarlaguntza proiektoa. Gaur egun daukiezan beharrizan ekonomikoetan laguntzen jardungo dogu: ikasketa bekak, irakasleen oporren ordaina, eskolarako eraikin barria.
• Eleizbarrutiak proposatzen dauazan ekintzak bultzatu:
  • “Kulturarteko kurutzebidea” zeinua.
  • Ikasturtearen amaierako ospakizuna.