BEGOÑAZPI IKASTOLA

Misioa, Ikusmira eta Baloreak

Misioa

Begoñazpi Ikastola heziketa euskalduna eskaintzen dauan ikastetxea da (“D” eredukoa, bizkaieraz), Bilboko Gotzaitegiak bultzatutakoa Eliza Katolikoaren mezua zabaltzeko, baita hau hitzau, Bizkaiko Jaurerria eta Euskal Herriko inguru sozio-politikoa eta kulturalaren ezagutza eta sustapena ardatzat izanik, kristau ikuspegiaren ildotik darion baloreetan oinarritutako kalitatedun irakaskuntza integrala (2 urtetik 18ra) ikasle eta familien esku jartzeko ere.

Ikusmira

Tamaina handiko ikastetxe eleanitza izatea, bere hezkuntza eskaintza Bilbo Handian eginez Europa mailan erreferente izatea nahi dogu:

• · Bikaintasun ereduan ikastetxe aurreratua izateagaitik
• · Eliza Katolikoaren mezu zabaltzailea izateagaitik
• · Orientazioagaitik:
• akademikoa
• lanbide eta bokaziozkoa
• banan-banako hezkuntza eskuharmena izanik
• · Gure proiektuak:
• Europarrak
• Hezkuntza barrikuntzakoak
• Teknologikoak

Lan giro egokiaz, Ikastolako langile guztien asetasunaz, eta emaitza akademikoak onak izanez, ikasle eta gurasoen asetasuna lortzeko.

Ikastolaren Misioaren betebidean aurrera egin nahi dogu, Ikastolako titularra dan Bilboko Gotzaitegiaren asetasuna lortzeko.

Baloreak

• · Ikastolako Hezkuntza Proiektuagaz konprometitu.
• · Ikastolako Hezkuntza Proiektua eta hezkuntza komunitatea osatzen daben guztiak errespetatu.
• · Irakasleriaren inplikazioa, ikasiz, kalitateko irakaskuntza emoteko. Bikaintasuna lortzeko etengabeko hobekuntza, eguneroko betebehar bihurtu.
• · Eskainitako lanaren ardura norbereganatu.
• · Talde lana, eraketa eta hezkuntza lanaren oinarri bihurtu.
• · Zehaztasunez jokatu, ondo egindako lan lez ulertuz.