Ikastolak jogurta jan ordez baso bat esne edatea gomendatuko deusku, xedea elikadura osasuntsuagoa izatea eta plastikoaren erabilera murrizte

Begoñazpi Ikastolak, Gasca enpresagaz batera, plan ekologiko eta elikagarria jarriko dau martxan. Aldi berean, eta horren bidez, hilean behin, menuetako esne-postrearen ordez (gehienetan jogurta) baso bat esne edatea jarriko dabe.

Planak hiru helburu dauz. Alde batetik, Ikastolan sortzen dan plastikoaren bolumena murriztea. Izan be, egungo kalkuluen arabera, esne-ondoko 1.000 postre 10 kg plastiko dira, bestela esanda, 35 kilo karbono dioxido.

Aurrekoaz gain, umeen autonomia sustatzea eta euren ahosabaiak zapore naturaletara heztea be badogu helburu. Eta, azken jomuga, azukre erantsiak kenduz, ekarpen kalorikoak handituz eta bitamina liposolubreetan aberatsak diren koipeak areagotuz, osasunari laguntzea izango da.